Informaziun d'annunzia
Nus envidein vus cordialmein ad in eveniment artistic ella Surselva. Nies intent ei da crear ina plattafuorma, nua che artistAs – ch’ein gia enconuschentAs ni era entscheviders – sepresentan en ina exposiziun da gruppa. Mintga persuna expona ina ovra che vegn ad esser part dall’exposiziun ed era digl ingant.
Idea
El center stat il scomi denter las artisttas/ils artists ed ils interessai egl art. El center stat il plascher communabel: la legria per igl art, il plascher da crear art ed il plascher per las discussiuns davart igl art. Nus vulein promover in dialog viv – denter quels che fan art e quels che vulan cumprar art.
Ingant
L’exposiziun vegn cumbinada cun in ingant dallas ovras exponidas. Mintga artista indichescha il prezi minimal per l’atgna ovra. Igl ingant duess esser in giug, ina lutga divertenta per cumprar in’ovra. Tuttina lein nus dar la caschun a nova clientella d’art ed era a glieud cun in pign budget da cumprar bunas ovras d’art originalas. Perquei recumandein nus da metter il prezi da partenza denter 20.- e 600.- francs.
Organisaziun
-
Nies eveniment ei ina collaboraziun denter Löwenberg ART e la Scala Trun.
-
Igl ingant ha liug ella caplutta dil Casti da Löwenberg e vegn menaus da Maria Dunst ed Ernst Jäggi.
-
Per cuvierer ils cuosts digl eveniment retenin nus 30% dallas entradas sch’ina ovra vegn vendida.
-
Per ils artists dat ei negins cuosts supplementars.
-
Las ovras d’art ein buca segiradas.
Ils cumpraders prendan directamein a casa las ovras suenter igl ingant
Tia cumpart
Nus spitgein da Tei in’ovra originala, che ti mettas a disposiziun per l’exposiziun e per igl ingant. Il prezi minimal che ti indicheschas fuorma la basa per igl ingant.
Purtar las ovras el Löwenberg
Venderdis sera, ils 22.11.2024, naven dallas 17 tochen las 19 uras
ni sonda, ils 23.11.2024, naven dallas 11 tochen las 13 uras
Exposiziun ella caplutta dil Löwenberg
Sonda, ils 23.11.2024, naven dallas 15 uras
Discuors d’art
Venderdis sera, ils 22.11.2024, naven dallas 17 tochen las 19 uras
ni sonda, ils 23.11.2024, naven dallas 11 tochen las 13 uras
Ingant ella caplutta dil Löwenberg
Sonda, ils 23.11.2024, allas 19 uras
Termin d’annunzia
S’annunzia tochen ils 10.11.2024 per mail ni telefon:
gianin.conrad@gmx.ch ni 079 698 04 24.
Nus havein basegns da suandontas indicaziuns: tetel dall’ovra, onn, prezi minimal, fotografia jpg 300 DPI (buca pli greva che 4 MB), adressa, mail, telefon, IBAN.
Nus engraziein per ina viva participaziun e sperein che questa sera porti bialas sentupadas, discuors inspironts e grond divertiment.
Cordialmein Löwenberg ART e Scala Trun